San Pablo City – Pormal ng pinagtibay ng mga miyembro ng Sangguniang Panglunsod sa pangunguna ni Vice Mayor Angelita E. Yang at sa mosyon ni Konsehal Arnel Ticzon ang pagtatalaga kay Bb. Josefina S. Andal bilang bagong pinuno ng City General Services Office. Ito ay matapos sumailalim si Andal sa isang malalimang pagsusulit ng Personnel Selection Board at mapatunayang ito ay kwalipikado para sa nasabing posisyon.
Si Andal ay unang naging nagserbisyo sa publiko noong taong 1977 bilang isang casual employee sa Chief Executive Office bilang isang Bindery Helper. Noong panahon iyon ay sumasahod lamang ito ng halagang Php 17.14 kada araw. Ganap itong naging isang regular na empleyado noong taong 1984 bilang isang Right of Way Agent sa tanggapan pa rin ng Chief Executive. Kinakitaan ng angking galing, sipag, at katapatan kung kaya’t nagpatuloy ang pagyabong ni Andal sa paglilingkuran. Katunayan, ilang beses na nabigyan ng promosyon si Andal hanggang maging Supervising Administrative Officer noong taong 2004 sa kapareho pa ring tanggapan.
At nito lamang nakaraang Martes, ika-16 ng Agosto, sa pagsasagawa ng buong kapulungan ng kanilang ika-59 pangkaraniwang pagpupulong ay pormal na itong itinalaga bilang siyang bagong pinuno ng CGSO alinsunod na rin sa Section 454 (d) Republic Act 7160 o kilala rin bilang Local Government Code of 1991.
Malaki naman ang naging pasasalamat ni andal sa buong kapulungan sa ginawang pagkumpirma sa kaniyang appointment. Nangako rin ito na gagawin ang buong kakayahan upang magampan ang tungkuling nakaatang sa kniya ngayong siya na ang bagong pinuno ng GSO. Pinalitan sa pwesto ni Bb. Andal ang nagretirong si Dr. Ubaldo Ciabal. (CIO-San Pablo)
No comments:
Post a Comment