RENAL DISEASE CONTROL PROGRAM ISINUSULONG NG CITY HEALTH OFFICE

San Pablo City – Isinusulong ngayon ng City Health Office sa pamumuno ni Dr. Job Brion ang Renal Disease Control Program (REDCOP) kung saan ay target nitong makapagbigay ng malawakang impormasyon, makapag-educate at maipabatid ang mga kaukulang hakbang upang maiwasan at makontrol ang pagdami ng mga nagkakasakit sa bato o kidney.

Ayon sa mga datos tinatayang 7,000 katao na ang nasasawi sa buong bansa kaugnay ng renal disease at pangsampu sa mga dahilan ng kamatayan sa bansa. Sa katunayan, sa Central Visayas ay umakyat ito sa ika-anim bilang isang killer disease.

Sang-ayon naman kay Bb. Filipina M. Catipon, Public Health Nurse II ng CHO, nakakaalarma ang patuloy na pagdami ng mga taong nagiging biktima ng naturang sakit. Kung kaya’t patuloy na nakikiisa ang kanilang tanggapan sa adbokasiya ng REDCOP. Layunin nilang maipalaganap ang tamang impormasyon at edukasyon upang maiwasan ang iba’t ibang kidney diseases. Malaki ang kanilang kumpiyansa na sa tamang edukasyon ay kayang mapababa ang porsyento ng tinatamaan nito.

Patuloy rin ang pagsasagawa ng kanilang tanggapan ng mga trainings at seminars para sa mga kawani ng CHO at mga Barangay Health Workers na sila nilang makakatuwang sa pagpapalaganap ng wastong kaalaman hinggil dito para sa 80 barangay ng Lunsod. (JRC-CIO)

MORAL AND CHARACTER DEVELOPMENT NG MGA PULIS ANG PINAGTUTUUNAN KO NG PANSIN – P/SUPT. LEO L. LUNA

San Pablo City – Pinaunlakan ni P/Supt. Leo L. Luna, SPC-PNP Chief, ang kahilingan ng mga miyembro ng Sangguniang Panglunsod na magsagawa ito ng isang courtesy call upang mas lalo pa itong makilala gayundin ang malaman ang mga plano at programang ipinapatupad ng Pulisya para sa Lunsod.

            Buong kababaang loob namang ipinirisinta ni P/Supt. Luna ang mga plans and programs ng naturang ahensya gayundin ang kanilang mga accomplishments sa loob ng humigit kumulang 3 buwan nitong paninilbihan sa Lunsod bilang hepe ng Pulisya.

             Sang-ayon sa hepe nakatuon ang kaniyang pamunuan  sa pagpapalago ng moral at karakter ng bawat isang miyembro ng kapulisan sa Lunsod gayundin ang masigurong nakakapagbigay ang kanilang hanay ng isang  matapat at maayos na serbisyo sa mamamayan ng Lunsod ng San Pablo. Kanila ring patuloy na sinisiguro ang seguridad ng kapayapaan sa lahat ng oras sa Lunsod. Sinabi din niya na ang mga “MAMA AT ALENG PULIS” ng  San Pablo City Police Station ay patuloy na pinapaunlad ang kanilang mga kakayahan upang makapagbigay ng mas magandang serbisyo.

            Ilan rin sa mga programang kanilang inilunsad upang mapalapit sa mga mamamayan  at mahasa ang kanilang mga kakayahan ay ang Feeding Programs; Tree Planting Activities; Pulis Ko, Titser Ko; Blood Letting; Gift Giving; Enhancement Investigation Seminar; Disaster Preparedness Drill; Emergency Response Drill at ang Proper Handling of Firearm.

           

            Samantala, isa sa mga planong tinalakay ng hepe sa mga miyembro ng SP  ay ang pagkakaroon ng Special Weapons and Tactics (SWAT) para sa mabilisang aksyon sa mga insidenteng tulad ng Hostage Situation, Bank Robbery, Robbery Hold up at iba pang High Profile Crimes, karagdagang mga personnel na siyang itatalaga sa mga  crime prone areas, pagpapatayo ng isang Kalinga-Center para sa mga child-offender/s at halfway center sa mga drug offender/s. Iminungkahi rin nito ang pag-formulate ng mga resolusyon patungkol sa pagkakaroon ng mga CCTV Cameras sa mga bangko, pawnshops, gasoline stations, malls at iba pang mga establisyemento.

            Pinuri naman ng mga miyembro ng SP si P/Supt. Luna sa mga natamo nito at ng mga kasamahang accomplishments sa loob lamang ng maikling panahon gayundin ang pagkakaroon nito ng mga konkretong plano at programa para sa ikahuhusay at katahimikan ng Lunsod. (JRC-CIO)

MAHIGPIT NA PAGPAPATUPAD NG CURFEW SA KABATAAN HINILING NI SK PRESIDENT GJ AMANTE

San Pablo City – Matagumpay na naisulong ni Sangguniang Kabataan Federation President GJ Amante ang City Ordinance 56 s.1981 o  “An Ordinance Prohibiting Persons 18 years and below to walk, stay or loiter during late hours of the night and Providing Penalties for Violation thereof” sa bawat barangay noong nakaraang 29^th Regular Session ng Sangguniang Panglunsod.

            Isinulong ni SK President Amante ang naturang resolusyon matapos makarating   sa kanyang tanggapan na isang dating opisyal ng Sangguniang Kabataan ng Brgy. Sta Ana at 2 pang mga kabataan ang nasangkot sa isang malagim na trahedya matapos ang mga itong ay maaksidente sakay ng isang motorsiklo.

Napag-alaman rin na naganap ang aksidente lampas hatinggabi kung kaya’t madiing hiniling ng kasalukuyang SK President na marapat lamang na pag-ukulan ng pansin ang mahigpit na pagpapatupad ng curfew sa mga kabataan upang maiwasan ang mga ganitong pangyayari.

Nagpakita naman ng matatag na suporta ang mga kasamahan sa Sangguniang Panglunsod sa pamumuno ni Vice Mayor Angie Yang. Kaya’t dagliang nagpaabot ng mga liham sa bawat barangay upang ipabatid ang kahilingan ng pinuno ng mga kabataan dito sa Lunsod. (JRC-CIO)

TOURISTS AND BALIKBAYANS WILL BE GIVEN PRIVELEGES DURING THE SAN PABLO CITY’S COCOFESTIVAL 2011

San Pablo City- City Administrator Loreto S. Amante and Over-All Chairman of Cocofest 2011 is calling all tourists and balikbayans to visit San Pablo City and be a  part of this years’ annual celebration of Cocofestival from January 8-15, 2011 with the theme “Piyesta ng Niyog, Makulay, Makakalikasan, Masagana at Masayang Selebrasyon ng Naiibang Kultura at Talino ng Lahing San Pableňo.”

According to City Admin. Amante tourists and balikbayans who will visit the city during the week-long cocofestival celebration will be given special priveleges through tour guides, discounts on hotel accommodations and restaurants, reserved seats on the main stage at city plaza during the street dancing and float parade competitions and during the Coco festival’s other special events and activities.

Balikbayans and Tourists may visit the Tourism Affairs Office booth at the Cocotrade Fair at the Old CFI Bldg. at the City Plaza for proper registration and issuance of identification cards upon presentation of their passports and other travel documents. And they are encourage to call the Tourism Office at (049)5621-429 for inquiries and additional information.

City Admin. Amante added that this special project is to encourage tourists to take part in the annual celebration of the Coco Festival, to promote the city’s potentials for tourism and investment opportunities and to celebrate the spirit of solidarity and goodwill in the pursuit of progress for the city. This is special project is in cooperation of the Tourism Affairs Office and the City Information Office. (CIO-SPC)

PAGLILINIS SA PALENGKE NUONG BAGONG TAON AGARANG ISINAGAWA NG SOLID WASTE OFFICE

San Pablo City- Agarang nagsawa ng paglilinis ng ilang kalye sa Public Market nuong madaling araw ng Enero 1 ang mga tauhan ng Solid Waste Management Office sa pamumuno nina Engr. Ruel Dequito, City Solid Waste Officer at G. Rodel Go, GSO Officer.

Ayon kay G. Rodel Go nagsimula ang kanilang mga tauhan na maglinis ng mga kalat at basura dala ng pagdiriwang ng bagong taon ganap na 1:00 ng umaga sa mga kalye ng Paterno, Regidor at Flores Sts. At bago magtanghali ay malinis na at nasegregate na ang mga basura.

Agarang nilang isinagawa ang paglilinis ayon na rin sa derektiba ni Mayor Vicente Amante upang mapanatiling malinis ang lunsod at upang salubungin ang bagong taon ng may isang malinis at maaliwalas na Pamilihang Bayan.

Ikinatuwa naman ng mga mamamayan ng lunsod ang nakitang mabilis na aksyon ng Pamahalaang Lunsod sa mga ganitong kaganapan. (CIO-SPC)