San Pablo City- Sa agarang pagkakadakip ni PSAF Ranilo Hernandez kay Rodolfo Javier Abbarentos na nagtangkang pagnakawan ang Focus Advertising Shop sa Rizal Avenue nuong Pebrero 25. Kaugnay nito ay ginawaran siya ng Certificate of Commendation sa nakaraang Pagtataas ng Watawat sa One Stop Center nuong Pebrero 28.
Iginawad ang sertipiko kay PSAF Hernandez ng SPC-PNP sa pamumuno ni P/Supt Leo Luna, Hepe ng SPC-PNP at Sr. Insp. Rolando Libed. Nakiisa rin sa awarding sina City Admin. Loreto Amante, Col. Roberto Cuasay, PSAF Chief at Councilors Gel Adriano at Arnel Ticzon.
Ayon kay P/Supt Luna ang kabayanihang ginawa ni G. Hernandez ay patunay lamang na tagumpay ang kanilang hangarin na patuloy na mapanatili ang kapayapaan ng lunsod sa tulong ng mga miyembro ng PSAF at ng iba pang mamamayan ng komunidad.
Lubos naman ang kagalakan ni Admin Amante at kanyang pinuri ang nagawa ni G. Hernandez. Nagpasalamat siya sapagkat patuloy ang pagtutulungan ng Pamahalaang Lokal at Tanggapan ng Pulisya sa pagpapanatili ng kapayapaan at katahimikan ng lunsod. Sa lubha nga niyang kagalakan ay nag-offer pa ang batang batang administrator ng cash award para kay G. Hernandez. (CIO-SPC)
No comments:
Post a Comment